“Dənizçi” İstirahət Mərkəzi yeni istirahət mövsümünə hazırdır
Xaçmaz rayonunda yerləşən “Dənizçi” İstirahət Mərkəzi iyunun 15-dən dənizçiləri və onların ailə üzvlərini qəbul edəcək.
2, 5 və 7 günlük yollayışlarla bu il də burada istirahət etmək mümkündür.
Daş evlərdə qiymətlər 1 nəfər üçün 30 manat (qidalanma daxil) müəyyənləşdirilib. ASCO-nun işçiləri və onların ailə üzvləri üçün yollayışların dəyərinin 20 manatını Azərbaycan Dəniz Nəqliyyatı İşçiləri Həmkarlar İttifaqı Respublika Komitəsi ödəyəcək. Mərkəzdə altı yaşınadək uşaqların istirahəti isə pulsuz olacaq.
Yay istirahət mövsümü sentyabrın 15-dək davam edəcək.